كلمات مهرجان أسد الملاعب من ألبوم ملك الغابة غناء حمو المرشدي من كلمات حمو المرشدي وتوزيع حمو تيفا. تأتي كلمات أسد الملاعب لتعبر عن الثقة بالنفس ومواجهة غدر الصحاب بإيقاع شعبي حماسي سريع.
كلمات مهرجان أسد الملاعب لـ حمو المرشدي
أشكلك لو قلت أن أنا مش بشغلك
تغلط تقولي اسمي هبهدلك
تحب تسمع عادي أرصلك
أنت وخيالك وقلتلك
بلاش أنا علشان أنا نو
معرفوش أقول محتاج أمبو
إيدي اللي شايلني يا ناس ياهو فاخلعوا
أسد الملاعب
اللي اسمه بقى محتوى كل الكواكب
اللي سيطه عدى عصره وبقى مواكب
للبشرية اللي حوالين منه العقارب
فيران التجارب
نسر الصحاري
راكب على البيت وبجري أسرع من الفراري
أي حد يهري جنب مني لا أبالي
رقم واحد فيها يعني كل دول عيالي
كل دول أشبالي
ههزقك
لو جيت معاك يا جميل أمزقك
تعمل خطير لا مش مبدأك
علشان تطير لازم أصدقك هفزعك
هتتلون
ما كنت تيجي دوغري ومن الأول
سامع كلام عنك وبجلون
عايز حاجة تعالى وأنا أمول
كان من الأول
فيها أنا بطولي
خليت جميع المشاهدين يا عم يسقفولي
عملتها إزاي كل دول بيسألوني
دافع ضريبة النجاح دمع من عيوني
أها واللي باعوني
باعوا بالرخيص
كنت شاري صحاب بس للأسف خسيس
ماشي ورا نفسه ومشي ورا إبليس
زقه على صحابه الأربع خصمه الخميس
ومات عشان خبيث
هغلفك
هتقول كلامي لغيري هشلفك
هاخد عليك عهد وهخلفك
هتغلط إلا فيا أنا هقرفك وهقرفك
بحذرك
عشان مقلش من منظرك
كفايا أن أنا مستصغرك
عايزك تقعد وهفرجك على مستر
عيني في المراية
باصص فيها وبشوف مين اللي معايا
حد غيري خالص حد حاببلي أذايا
فيها حد تاني مش حاضرني من البداية
ولا النهاية
ضميري اللي مات
اللي قالي أصحى فوق وفكك من السكات
داوي جرح قلبك بإيديك من الصدمات
اقفل صفحات اللي فات واللي كات
من الذكريات
بوحشك
لا قول كلام تاني هصدقك
بتحب مين حبك مشنقة
وملكش دعوة لو أنا بوحشك
ولا يشغلك
وانساني
وخليك أنت في عالم تاني
خليك بعيد عني وانساني
ولو لقيت اللي يملى مكاني
انساني.. انساني.. انساني
تفاصيل مهرجان أسد الملاعب - حمو المرشدي
كلمات: حمو المرشدي
توزيع: حمو تيفا
ألبوم: ملك الغابة
سنة الإصدار: 2026