كلمات شيلة الصامل أداء المنشد السعودي الجفراني، كلمات الشاعر عبدالهادي القنيفذ والتوزيع والمكس لـ تون لايف. تأتي كلمات شيلة الصامل كعمل فني حماسي يفيض بالفخر والاعتزاز مهداة لـ عبدالله عامر النهدي، معبرة عن قيم الجود والكرم بأسلوب شعري جزيل.
كلمات شيلة الصامل لـ الجفراني
هبي علي يالهبوب الباردة في نفاه
مبطي وفي الصدر من جهد الحياة أكتمه
من يعتلي فالطوال ويأكد الانتباه
لا بد ما يعلم اللي كان ما يعلمه
يموت الإنسان وفؤاده يطارد هواه
والرابح اللي لا زل لسانه ولا أقدمه
ياراسي اللي سبب شيبه ظروف الحياة
وسيوفها اللي مضاربها على الجمجمة
من ناشته عاد عمره في ليالي صباه
تلاقت متونه وهو مرها يطعمه
ما فيه رجال جور الوقت ما بعد وطاه
والعاقل أيامه تصحيه وتعلمه
ترفض قلوب الرجال الريب والاشتباه
إلا القلوب البليدة غير متفهمة
الناس فالوقت كل إنسان له مستواه
وأعمارها محددة وأرزاقها مقسمة
تلقى فقير على فزعاته الله عطاه
محبة الخلق وكبار العرب تحشمه
وتلقى غني ما يقضي لازم اللي نصاه
مغنيه ربه ومن كلمة (نعم) محرمة
والطيب يطيب لو الأيام تبحث خفاه
ولا يسج الجمايل كود رأس رخمة
والرجل كله مع أهل الطيب يعلن ولاه
وإكرامه لنفسه من أهل الردا مكرمة
الصامل تشوف فعله قبل تسمع حكاه
واللاش لا احتجت فزعاته مسير حلمه
واللي يعرف الرجال الطيبين الدهاه
أيعرف عبدالله النهدي وبحر أكرمه
أجود من المزن لأروى جرهد البيد ماه
طيبه مدار الليالي ثابت موسمه
المكسب لكل رجال يشرف نباه
هذا هو الطيب لأصلي باسمه وبعلمه
جليس حكامنا اللي من دهاه ووفاه
تحشم مقامه وفعله فالصدر قدمه
جبل يذري إلى جات النوايب ذراه
جبال أجا سولفت باسمه لضلع إيدمه
ولا تصتصعب الحل عند العارفين القضاة
يقلط ولد عامر وينهي الأمر بأقلامه
لو البحر قدم عينه والبلاوي وراه
يا قو عزمه وما أقوى باسه وما أعظمه
الكون لو ولدن مع الأنامي أنساه
ما ينجبن مثل بوعامر صفات وسمه
عز لأهل الوضح وأنا جا في حضوره طراه
في قمة الفوز والإنجاز رف أعلمه
كم نخبة شلها وكم بيرق قد خذاه
وكم طامع أيتهقوى للأول ويحرمه
من كثر ما يأخذ الأول بعزم وجرأة
مفروض يرسل له الناموس في مخيمه
عود محاويله العسرة تكود أخصماه
يبطي المنافس على الجرة يجر أنسمه
عنده حقوق المراجل بعد فرض الصلاة
هذا هو الجدول اللي فالحياة أرسمه
الأجنبي في محله كنه من أخوياه
جبلته غير جعل الناس ما تعدمه
أهو اللي الطيب وصل بفعله المنتهاه
جميع منهاج طاله حققه واختمه
مفروض منهج دراسي فالبلاد وقناة
لأفعال أبو عامر اللي ما تبي ترجمة
مجده بكون لحاله والنجوم أقصراه
للحين والدول ماشي عادها تكرمه
المشتري كلم المريخ مقبل وجاه
اثنينهم كل منهم واصل يعزمه
هذا يبيه لغداه وذا يبيه لعشاه
وشكر عليهم ماهو يبغي الوعد يلزمه
مشغول بأمجاده العظمى وهو في سماه
ومواصل رحلته في أموره الملزمة
وشلون ما يفرحون بجيرته من غلاه
اللي خذا من فعوله ساير الأوسمة
معلومات شيلة الصامل - الجفراني
كلمات: عبدالهادي القنيفذ
توزيع ومكس: تون لايف
سنة الإصدار: 2026